قصيدة جوه مني أنبيا





جوه مني أنبيا
...........
أنا جوه قلبي أنبيا
وكل واحد ليه نبوه
موسي. يونان.واشعيا
ساعة تلاقيني أنا
وساعات أكون هوه
لساني ياما كان تقيل
دفنت جوايا كام قتيل
يتقال فيهم مراثي ارميا
أنا جوه مني هروب وموت
أنا جوه مني صوت..سكوت
أنا جوه مني
مليون ضريح للأوليا
أنا جوه مني
روح ايليا ...وصوت مسيا
ولساني حافظ جميع الأدعيه
ساعات بكون ك يهوذا
وياما عشت كأني بوذا
وياما إتركنت لوقت عوزة
فوق رفوف الأغبيه
عاشق لكل الفقرا جداً
لكن
ولا عمري كرهت الأغنيا
ماأعرفش أبداً اني أخبي
ولا من حد أشيل أو أعبي
ساعات برنم من كل قلبي
وساعات بدندن أغنيه
أنا عقلي عجز من زمن
بس قلبي لساه شباب
أنا جوه مني براح وطن
أنا أرض خصبة للاكتئاب
عايش وحيد.. طفل وعنيد
ورغم وجعي..
ساعات يكون وجعي أدوية
أنا صوت ادان الفجر
يوم الحد
أنا جيش هموم الصبر
لو تقدر تعد
أنا جوه مني بحر
مليان بجذر ومد
تايب ولكن جوه مني معصية
..............
#كلمات_ناجح_ثروت











أحدث أقدم