وطن مسروق

 وطـن مسـروق

ياسارقه الروح كمان منى

فتاهت في وطن مسروق

بعيد الفرح ليه عنى ؟

وحاسس بالأمل مخنوق

قوليلى لإمتى هتأنّى

لإمتى مـ المرار ها ندوق ؟

منا دايقه فـ صغر سنّى

يامر المُر جوّايا

حايشلك قلبى ود وشوق

وإنتى بتاخدى ما بتدى

وحارمانى من أى حقوق

ها اعيشلك أيوه وها اغنّى

ولو حتى بصوت مشنوق

كتير وعدونى عن بكره

كلام خدّرنى .. طمّنّى

وجه بكره وكمان بكره

لا تتعدّل ولا بتروق

وصوت الفقر لجّمنى

وقدملى الهوان .. وبدوق

ولا بشكى .. وشاريكى

وحاطك فى مكانتك فوق

وغيري ياما باع فيكي

ف مليون سوق

وصوتك سامعه واصلّى

فاقوم لجلك وهصلّى

ولو حتى

على مذبحي المحروق

..............

#كلمات_ناجح_ثروت



أحدث أقدم