سجال شعر عامية

 منذ خمس سنوات 

كان السجالي الشعري الإرتجالي التالي 

بين الشاعرة المميزة : بدرية محمود

والشاعر : ناجح ثروت 


...........

أليكم السجال 

💓💓💓💓💓
💓💓💓💓💓

Nageh Sarwet

الشعر قـــال كلمته
فى عيــــون الصبية
والزمن صاغ حكمته
من شـفايف البــنية
أرمـــي بياضـــك يلا
يــــا أستــاذة بدرية
💓💓💓💓💓
Badrya Mahmoud
لو حبيته ف يوم راح اقول 

ميهمنى كده عرض وطول
مفتاح قلبى ويا الشفره
راح اسلمه وبعلم وصول 
💓💓💓💓💓


Nageh Sarwet 
من عيونها الليل بيطل
وجمالها يشبه النيل
لاتقولي ياسمين ولا فل
حبيبتي ورد بلدي اصيل
💓💓💓💓💓


Badrya Mahmoud
ياللى ف عيونك الحياه
وبابتسامه ويا اه
تحلا الدنيا ف عيونى
وانسى الجرح وقساه
💓💓💓💓💓


Nageh Sarwet
عيونها جمال فرعوني
وصوتها كمنجة بتتكلم
بسمعها بيجن جنوني
وف بعدها قلبي بيتالم
💓💓💓💓💓


Badrya Mahmoud
ولو هواه بدل تكوينى 
وصعب انى اعيش مستنى 
ولو جنون عشقه خلينى
اقضى طول عمرى متهنى
💓💓💓💓💓


Nageh Sarwet 
ايوه بعيش عمري بيها
وقلبي من غيرها ظلام
لو بايدي اوهب العمر ليها
واشيل عنها كل الالام
💓💓💓💓💓


Badrya Mahmoud
ولو هواه اخطار وظنون
برضه هعافر عشان اوصل
مش بيقولوا الحب جنون
وانا بيه راضى ولا عمرى اعقل
💓💓💓💓💓


Nageh Sarwet 
عمري ابتدي يوم لقاها
وانتهي زمن الالم
وقتي بيحلي وانا معاها
وف قربها قال القلم
💓💓💓💓💓


Badrya Mahmoud
ولو هقول هقول كتير
للحب قلبى اصبح اسير
م الفرحه نسيت الالام
وعشقته وف حبه امير
💓💓💓💓💓


Badrya Mahmoud
اللقا ده مش بايدى
ولو تنادى قلبى ييجى
يهمس لقلبك احلى همس
راح يقولك ياحبيبى

💓💓💓💓💓


Nageh Sarwet 

قال القلم احلي شعر
وكتب قصايد في حبها
وبنالها قلبي جواه قصر
واستمد الحياه منها
💓💓💓💓💓


Badrya Mahmoud
قلبى صنعته من هواه 
وازاى يكونله منتهى 
وعشان ماعشقه حياه
سلمت قلبى للهوا
💓💓💓💓💓

Nageh Sarwet
اللقا كان بالعينين
والسلام كان بالقلوب
مااعرفشي امتى ولا فين
عن حبها مش قادر أتوب
💓💓💓💓💓

Badrya Mahmoud
احلى ذنب اعيش عليه
انه حبيبى وبعشقه
ومش هقول ازاى وليه 
ولو هيبعد الحقه
💓💓💓💓💓

Nageh Sarwet 
من تحت النظارة السودة
شفت بقلبي عنيها
وقولت خلاص ياقلبي بعودة
لكن قلبي اتعلق بيها
💓💓💓💓💓

Badrya Mahmoud
ولو هوايا ليه مصير 
انا جاهزه راح اتحمله 
قلبى م الفرحه يطير 
لو دق قلبى هحنله

💓💓💓💓💓


Nageh Sarwet
من صدق القول والنية
الله يديه
وأنا قلبي عاشق البنية
والله يابيه
💓💓💓💓💓

Badrya Mahmoud
ولو تعشقها ليه تقول
خبى هواها واقفله
خاف من لوم العزول 
يشق قلبك يخرجه
💓💓💓💓💓

Nageh Sarwet 
والقلب المجنون فى هواها
أتجنن بيها
أنا بنسي الكل وما أنساها
وطول عمرى عيني عليها
💓💓💓💓💓

Badrya Mahmoud
وتوهت تانى فى وادى
لكن قلبى حلف ماينام
وكان الحب لى زادى
ولا اقدر اتوب و اقوله سلام
💓💓💓💓💓

Nageh Sarwet 
أباااااااى القلب هيتجنن
من طلة عينها
ولـــما قلبـــها يتحــــنن
قلبي يغنيلها
💓💓💓💓💓

Badrya Mahmoud
ولو دنيايا دى دنيا
فليه وحدى انا اتعذب
ولو قالولى دى فانيه
فليه اعشق وانا واهرب
💓💓💓💓💓

Nageh Sarwet 

💓💓💓💓💓
القلب خلاص بقى دايب

من كلمة بس قالتها
وأنا عمرى ماكنت واد خايب
على طول روحي سكنتها
💓💓💓💓💓

Badrya Mahmoud
لما قالولى اتجوزى
الواد هريدى
اللى يخاف على عرضه
دايما الصعيدى
💓💓💓💓💓

Nageh Sarwet
الصعيدي يعني قوة
مخلوطة بالمشاعر
عشقه جاى من جوه
وحبه حب واعر
💓💓💓💓💓

Badrya Mahmoud
جوا ملامحى مسكناك
وقلبى داب من الشوق ناداك
ياريت تسمع كل الكلام
والا القسيه مسكتاك
💓💓💓💓💓

Nageh Sarwet 
ولو الحب مش كافى
قلوب العاشقين
في عيونها شيء دافى
ورموشها سكاكين
💓💓💓💓💓

Badrya Mahmoud
السكين دا يبقى الراحه
لقلوب ناس على طول سواحه
ولاحست مره بدقه قلب
ولا عاشت ابدا مرتاحه
💓💓💓💓💓

Nageh Sarwet 
الصعايدة وصفهم
وصف الرجال
ولو رق مرة قلبهم
تلاقي برضه صبرهم
صبر الجمال
وكتافهم دايما شيالة
بتشيل الجبال
عندهم الحب لاقوالة
ولا لعب عيال
طول عمرنا برضه رجالة
ووقعنا محال
💓💓💓💓💓

Badrya Mahmoud
بالصعيدى انا جولت 
عاشجه ولد عمى
ولما لامونى ف هواه
ازاى ودمه هو دمى
💓💓💓💓💓


Nageh Sarwet 
أنا قلبي واقف مستنى
طلتها عليا
حد يقولها قولى وحنى
طفى النار اللى فيا
💓💓💓💓💓

Badrya Mahmoud
النار دى قادت فيا انا
من يوم عشقته
واللى بيا برضه انا
ياريت نشوفته
💓💓💓💓💓

Nageh Sarwet 
السما شايفها فى عينيها
والبحر من شفايفها نداني
وهي يااختى أسم الله عليها
بتطنشني ومش فكراني
💓💓💓💓💓

Badrya Mahmoud
يابختها اللى تكون عاشقه الامير
سلطانه عشش ف القلوب لبنات كتير
لكن اللى قلبه يحبها
يابختها تعشق قمر لا احلى كتيرا
💓💓💓💓💓

Nageh Sarwet 
هى ملكة وساكنة قلبي
عرشها جوه جفونى
ومهما أدارى أو أخبي
بتفضحنى دايما عيونى
💓💓💓💓💓

Badrya Mahmoud
لو ع العيون 
كلامها اقوى من اللسان
عند الاحبه 
سبحانه خلقها باتقان
💓💓💓💓💓

Badrya Mahmoud
واقول سلام كل الاحبه
نتلاقى دايما ع الوفا
بالحب خلى قلوبنا شابه
دايما يملاها الدفا
💓💓💓💓💓

Nageh Sarwet 
وفــــــ خـتام كــل الكــلام
بتمنى عمري يطول معاها
وأعيشلها حياتي وذكرياتي
وف قلبي أرضها وسماها

💓💓💓💓💓

💓💓💓💓💓




أحدث أقدم