خليها علي الله




 الساعه تقريباً ستة الصبح 

كل الناس بتحاول تصحي 

إلا أنت مش عارف تنام !

عَّمال تحسبها فرح وجرح 

مين كان باقي ع العشرة ؟

ومين باعها ليه؟ . وبكام؟

مين كانوا ف ضهرك ضلك 

مين فيهم لسه هنا فاضلك 

ومين فيهم كان معتبرك 

حيالله واحد ع الهامش 

أو أي كلام .

ولسه دماغك........ 

عَّماله تودي وتجيب 

موجود في مكانك 

لكن عن وعيك بتغيب 

وفجأة تفوق .....

علي صوت ف الشارع بيقول 

خليها علي الله 

وأتغطي ونام

............

#كلمات_ناجح_ثروت



أحدث أقدم