أقروها بالصعيدي
………………………..
لسه حاسس رعشة إيديكي
وقتها كان دا بينا أول سلام
ولما قفلتي.. شباك عينيكي
عبيتي جوه القلب فدان كلام
آه لو ساعتها كنتي شوفتي
قلبي من جوه جراله إيه
كنتي فعلا أكيد عرفتي
إنك إنتي بس فيه
وبتوهبيه .. معنى السلام
كنتي حسيتي بشوقي
وإنك الماشية ف عروقي
وإنتي بس الغالية عليه
وإنتي اللي ف إيديكي الزمام
ياللي جاهلين ف المشاعر
القلوب بالفطرة فيها شاعر
ومن أمتي كان الحب علم
من أمتى كان محتاج علام
………
#كلمات_ناجح_ثروت